ဆောက်လုပ်ရေးဝန်ကြီးဌာန ဒုတိယဝန်ကြီးသည် ရှမ်းပြည်နယ် လမ်းပန်းဆက်သွယ်ရေးဝန်ကြီးနှင့် တာဝန်ရှိသူများနှင့်အတူ တောင်ကြီးမြို့ရှောင်လမ်းတွင် လမ်းတိုးချဲ့ပြုပြင်မှုများ၊ အနိမ့်အမြင့်ဖြေညှိမှုများစစ်ဆေးကြည့်ရှုကာ လိုအပ်သည့်နေရာများအား တိုးချဲ့ပြင်ဆင်ရန် ညွှန်ကြားခဲ့သည်။ ထို့နောက် ညောင်ရွှေမြို့နယ် ဖောင်တော်ဦးမြတ်စွာဘုရား၌ ငလျင်ဒဏ်ကြောင့် ထိခိုက်ပျက်စီးသွားသည့် သာသနိကအဆောက်အအုံများနှင့် ကမ်းထိန်းနံရံပြုပြင်ဆောင်ရွက်မှုများကို ကြည့်ရှုစစ်ဆေးပြီး ငလျင်ဒဏ်ခံနိုင်စွမ်းမြှင့်တင်သည့် နည်းစနစ်များဖြင့် ပြုပြင်ဆောင်ရွက်ရန် ညွှန်ကြားခဲ့သည်။
