လီဗာပူးလ်အသင်း ပရီးမီးယားလိဂ်ချန်ပီယံဆုကို ဆွတ်ခူးနိုင်ခဲ့

လီဗာပူးလ်အသင်းသည် စပါးအသင်းကို (၅-၁)ဂိုးဖြင့် အနိုင်ရခဲ့ပြီးနောက် ၂၀၂၄-၂၅ ရာသီ ပရီးမီးယားလိဂ်ချန်ပီယံဆုကို ဆွတ်ခူးနိုင်ခဲ့သည်။လီဗာပူးလ်အသင်းသည် ပရီးမီးယားလိဂ်ချန်ပီယံဆုကို ဒုတိယအကြိမ် ရယူနိုင်ခြင်းဖြစ်ပြီး အင်္ဂလန်အမှတ်ပေးချန်ပီယံဆုကိုအကြိမ်(၂၀)မြောက်ရယူနိုင်ခဲ့သည်။ ထို့ကြောင့် မန်ချက်စတာယူနိုက်တက်အသင်း၏ အင်္ဂလန်အမှတ်ပေးချန်ပီယံဆုအများဆုံးရရှိသည့် စံချိန်နှင့်လည်း တူညီသွားခဲ့သည်။နည်းပြ အာနယ်ဆလော့အပါအဝင် နည်းပြအဖွဲ့ဝင်များနှင့်အတူ လီဗာပူးလ်ကစားသမားများသည် စပါးနှင့်ပွဲအပြီးတွင် အန်ဖီးလ်ကွင်းအတွင်း အောင်ပွဲခံမှုပြုလုပ်ခဲ့ကြသည်။