ရှမ်းပြည်နယ်တောင်ပိုင်း၊ ဟိုပုံးမြို့နယ်၊ နောင်ဒေးကျေးရွာအုပ်စု၊ သစ်ပင်လှကျေးရွာတွင် ဧပြီလ(၂၇) ရက်နေ့ နေ့လယ်(၁)နာရီဝန်းကျင်အချိန်၌ မိုးနှင့်အတူပြင်ထန်သည့်လေများ တိုက်ခိုက်ခြင်းကြောင့် ဒေသခံများနေအိမ် (၁၀)လုံးထက်မနည်း ထိခိုက်ပျက်စီးရကြောင်း သိရသည်။ မိုးသက်လေပြင်းကြား နေအိမ်ခေါင်မိုးများပါသွားသဖြင့် ယခုညတွင် နေအိမ်ပျက်စီးသွားသည့်ဒေသခံများက ဆွေမျိုးနှင့် နီးစပ်ရာအသိအိမ်၌ သွားရောက်ခိုလှုံနေရကြောင်း သိရသည်။
