၂၀၂၄ ခုနှစ်တွင် ထိုင်းနိုင်ငံ၏ ဆန်တင်ပို့မှုသည် တန်ချိန် ၉.၉၅ သန်းရှိခဲ့ပြီး ၂၀၂၃ ခုနှစ်ထက် ၁၃ ရာခိုင်နှုန်း တိုးခဲ့သည်။ ၂၀၁၈ ခုနှစ်မှစ၍ ၆ နှစ်တာတွင် အများဆုံး တင်ပို့ခြင်း ဖြစ်သည်။ ဆန်တင်ပို့မှု စုစုပေါင်းတန်ဖိုးမှာ ဘတ် ၆.၄၃၄ ဘီလီယံရှိပြီး ၂၀၂၃ ခုနှစ်ထက် ၂၇% ပိုများသည်။ အိန္ဒိဆန်ဖြူ တင်ပို့မှု ရပ်ထားခြင်း၊ ကမ္ဘာ့ဝယ်လိုအား များခြင်းတို့ကြောင့် ထိုင်းဆန် ပြည်ပတင်ပို့မှု မြင့်တက်ခဲ့သည်။ ၂၀၂၅ တွင် အခြေအနေများ ပြောင်းလဲသွားသည်။ အိန္ဒိယဆန်ဖြူ ပြန်လည်တင်ပို့နေပြီဖြစ်သည်။
အမေရိကန်သမ္မတ ထရမ့်က အကောက်ခွန်နှုန်းထားဖြင့် ကုန်သွယ်ရေးစစ်ပွဲ ဆင်နွှဲခြင်းကြောင့်လည်း ထိခိုက်သည်။ ထို့ပြင် ဆန်အဝယ်များသည့် ဖိလစ်ပိုင်သည် ဆန်အဝယ်နှေးနေသည်။ ဖိလစ်ပိုင်သည် ယခင်နှစ်က တန်ချိန် ၄ သန်း တင်သွင်းခဲ့သော်လည်း ယခုနှစ်တွင် တန်ချိန် ၁ သန်းသာ တင်သွင်းရန် မျှော်မှန်းထားသည်။
