မန္တလေးတိုင်းဒေသကြီး၏ ငလျင်ဒဏ်သင့်ဒေသများ ပြန်လည်ထူထောင်ရေးအတွက် အမျိုးသားသဘာဝဘေးအန္တရာယ်ဆိုင်ရာ စီမံခန့်ခွဲမှုရန်ပုံငွေမှ တဆင့် ကျပ် (၆၀) ဘီလီယံ ထောက်ပံ့ပေးထားပြီး၊ ထို့ပြင် စစ်ကိုင်းတိုင်း၊ နေပြည်တော်နှင့် ရှမ်းပြည်နယ်တို့အတွက်လည်း ထောက်ပံ့ငွေများ သီးခြားပေးအပ်ထားသည်။ ဧပြီ ၂၄ ရက်အထိ နိုင်ငံတကာနှင့်ပြည်တွင်းမှ အလှူငွေများလည်း အများအပြား လက်ခံရရှိပြီး ပြန်လည်ထူထောင်ရေးလုပ်ငန်းများတွင် အသုံးပြုသွားမည်ဖြစ်ကြောင်း သိရသည်။
