မြန်မာ့ငလျင်ဘေး ကူညီရန် ဂျပန်မှ ကျွမ်းကျင်ပညာရှင်အဖွဲ့ စေလွှတ်ခဲ့

မြန်မာ့ငလျင်ဘေး နောက်ဆက်တွဲအရေးကိစ္စတွေ ကူညီဖို့ ဂျပန်အပြည်ပြည်ဆိုင်ရာ ပူးပေါင်းဆောင်ရွက်ရေးအေဂျင်စီ (JICA) က ကျွမ်းကျင်ပညာရှင်အဖွဲ့တဖွဲ့ စေလွှတ်သွားဖို့ ရှိတယ်လို့ ဂျပန်နိုင်ငံခြားရေးဝန်ကြီးဌာနက ထုတ်ပြန်ထားပါတယ်။

အဲဒီအဖွဲ့ဟာ ဧပြီ ၂၇ ရက် ဒီကနေ့မှာ စတင်ထွက်ခွာမှာဖြစ်ပြီး ရန်ကုန်အပါအဝင် မန္တလေးနဲ့ ဘေးသင့်ဒေသတွေဆီ သွားရောက်မှာဖြစ်သလို ဘေးဒဏ်သင့်ဒေသတွေရဲ့ အခြေအနေနဲ့ လူသားချင်း စာနာထောက်ထားမှုဆိုင်ရာ လိုအပ်ချက်တွေကို အကဲဖြတ်ဆန်းစစ်သွားမှာဖြစ်ပါတယ်။