၂၀၂၅ ခုနှစ်၊ ဧပြီ ၂၇ ရက်တွင် နေ့အပူချိန်မြင့်တက်လာခြင်းကြောင့် ရန်ကုန်မြို့ရှိ အအေးဆိုင်များနှင့် အဲကွန်းဖွင့်ထားသည့် ဆိုင်များတွင် လူအုပ်စုများစွာ စည်ကားလာသည်။ အအေးသောက်သုံးသူများ၊ ရေခဲသုပ်၊ ရေခဲခြစ်၊ ဒိန်ချဉ်ဝယ်ယူသူများ တိုးလာပြီး တစ်ရက်လျှင် ရောင်းအားသည် ရှစ်သောင်းကျပ်မှ တစ်သိန်းနီးပါးအထိရှိနေသည်။ လမ်းဘေးအအေးဆိုင်များတွင် ဇီးဖျော်ရည်၊ မန်ကျည်းဖျော်ရည်နှင့် ကြံရည် တစ်ခွက်ကို ၁၀၀၀ ကျပ်၊ ရေခဲသုပ်နှင့် ဒိန်ချဉ်များကို ၁၅၀၀ ကျပ်ဈေးဖြင့် ရောင်းချလျက်ရှိသည်။
