တိုင်းဒေသကြီးနဲ့ပြည်နယ်တွေမှာ လူငယ်စင်တာတွေဖွင့်လှစ်သွားဖို့လုပ်ဆောင်နေရာ မတ်လ(၂၃)ရက်က ရန်ကုန်တိုင်းဒေသကြီး၊ သာကေတမြို့နယ်အတွင်းမှာ ပထမဆုံးလူငယ်စင်တာတစ်ခုကိုဖွင့်လှစ်ပေးခဲ့ပြီးနောက် အခုဒုတိယမြောက်လူငယ်စင်တာကိုတော့ မကွေးတိုင်းဒေသကြီးမှာထပ်မံဖွင့်လှစ်ခဲ့တယ်လို့သိရပါတယ်။အဲဒီလူငယ်စင်တာကိုတော့ မကွေးတက္ကသိုလ်ဝန်းထဲမှာ မတ်လ၂၆ရက်နေ့ကဖွင့်လှစ်ခဲ့တာဖြစ်ပါတယ်။အဲဒီလူငယ်စင်တာမှာ အားကစား၊ ပန်းချီ၊ ဂီတအစရှိတဲ့အနုပညာခန်းမတွေ၊ အိမ်တွင်းလက်မှုပညာ၊ မုန့်လုပ်သင် တန်း ITနည်းပညာနဲ့ ဘာသာစကားပြောသင်တန်းခန်းမ၊ ကွန်ပျူတာသင်တန်းခန်းမ၊ စာဖတ်ခန်းစတာတွေ ပါဝင်တယ်လို့သိရပါသည်။
