ရန်ကုန်မြို့တွင် သတင်းစာ၊ ဂျာနယ် စသည့် စာရွက်အဟောင်းများ စျေးမြင့်တက်လာကြောင်း ဝယ်ရောင်းလုပ်ကိုင်သူများက ပြောကြားသည်။ ယခင်က တစ်ပိဿာ ၁,၅၀၀ ခန့်သာရှိသည့် စျေးနှုန်းသည် မကြာသေးမီက ၂,၀၀၀ အထိ မြင့်တက်လာခဲ့သည်။ဤအကြောင်းရင်းမှာ Recycle လုပ်ငန်းများ တိုးတက်လာမှု ဖြစ်ပြီး၊ စာရွက်အဟောင်းများကို ပြန်လည်အသုံးပြုကာ ဗလာစာအုပ်များ၊ စာရွက်များ ထုတ်လုပ်ခြင်းနှင့် လက်မှုပညာများတွင် အသုံးချခြင်းများ ပိုမိုဖြစ်လာနေကြောင်း သိရသည်။ထို့ကြောင့် စွန့်ပစ်ပစ္စည်းများကို အသုံးချမည့် လုပ်ငန်းများ တိုးလာခြင်း ကြောင့် သတင်းစာ၊ ဂျာနယ်အဟောင်း ဝယ်ယူစုဆောင်းသူများ အရင်ထက် များပြားလာသည်။
