လာမယ့်နွေရာသီမှာ ရီးရဲလ်အသင်းဆီကို ပြောင်းဖို့ နီးစပ်နေပြီလို့ သတင်းတွေထွက်ပေါ်နေတဲ့ နောက်ခံလူ အာနိုးကို ရာသီလက်ကျန်ပွဲတွေမှာ အသုံးမပြုဖို့ လီဗာပူးပရိသတ်တွေက တောင်းဆိုခဲ့ကြပါတယ်။ လီဗာပူးအသင်း ကို ၆ နှစ်သားအရွယ်ကတည်းက ရောက်လာခဲ့ပြီး အသင်းအကယ်ဒမီကနေတစ်ဆင့် လီဗာပူးအသင်းကြီးမှာ ပွဲထွက်ခွင့် ရခဲ့တဲ့ အာနိုးဟာ ရာသီအကုန်မှာ အသင်းနဲ့စာချုပ်ပြည့်မှာ ဖြစ်ပါတယ်။ သတင်းတွေအရတော့ အာနိုးဟာ လီဗာပူးရဲ့ စာချုပ်သစ်ကမ်းလှမ်းမှုကို ငြင်းဆိုထားသလို ရာသီအကုန်မှာ ရီးရဲလ် အသင်းကို အလွတ် ပြောင်းရွှေ့ကြေးနဲ့ ပြောင်းဖို့ စီစဉ်နေတယ်လို့ သိရပါတယ်။
