အိန္ဒိယပြည်တွင်းထုတ်ကုန်တန်ဖိုး ၁၀ နှစ်အတွင်း နှစ်ဆတိုးလာ၊ ကမ္ဘာ့စတုတ္ထစီးပွားရေးအင်အားကြီးနိုင်ငံဖြစ်ရန် တာဆူ

အိန္ဒိယသည် ပြီးခဲ့သည့်ဆယ်စုနှစ်အတွင်း စီးပွားရေးဖွံ့ဖြိုးတိုးတက်မှု ၁၀၅ ရာခိုင်နှုန်း ရရှိခဲ့ကာ လွန်ခဲ့သည့် ဆယ်နှစ်အတွင်း စီးပွားရေးဖွံ့ဖြိုးတိုးတက်မှု အမြန်ဆုံးနိုင်ငံဖြစ်လာခဲ့ကြောင်း နိုင်ငံတကာငွေကြေးရန်ပုံငွေအဖွဲ့ (IMF) က နောက်ဆုံးထုတ်သည့် အချက်အလက်များတွင် ဖော်ပြထားသည်။အိန္ဒိယ၏ ပြည်တွင်းအသားတင်ထုတ်ကုန်တန်ဖိုး(GDP)သည် လက်ရှိတွင် ဒေါ်လာ ၄ ဒသမ ၃ ထရီလီယံ ရှိကြောင်း IMF တွင် ဖော်ပြထားသည်။ နာရင်ဒရာမိုဒီ၏ ပထမဆုံး ဝန်ကြီးချုပ်သက်တမ်း တနှစ်မပြည့်မီ ၂၀၁၅ ခုနှစ်တွင် အိန္ဒိယ၏ GDP သည် ဒေါ်လာ ၂ ဒသမ ၁ ထရီလီယံရှိခဲ့သည်။ ယင်းနောက်ပိုင်းမှစ၍ အိန္ဒိယ၏စီးပွားရေးသည် ပြည်တွင်းအသားတင်ထုတ်ကုန်တန်ဖိုး(GDP)အရ နှစ်ဆကျော် တိုးတက်လာခြင်းဖြစ်သည်။