ဘာသာရပ်ဆိုင်ရာ သင်ကြားသင်ယူမှုစွမ်းရည်မြင့်မားရေး၊ နှီးနှောဖလှယ်ခြင်း၊ အသိ ပညာအတတ်ပညာများ မျှဝေခြင်း၊ဆွေးနွေးအဖြေရှာခြင်းများ ဆောင်ရွက်နိုင်ရန် ရည်ရွယ်၍ ၂၀၂၄- ၂၀၂၅ ပညာသင်နှစ် အခြေခံပညာ အထက်တန်းဆင့်၊အလယ်တန်းဆင့်နှင့်မူလတန်းဆင့် ဘာသာရပ်ဆိုင် ရာမွမ်းမံသင်တန်းဖွင့်ပွဲကို မတ် ၂၄ ရက်နံနက် ၉ နာရီက စစ်ကိုင်းတိုင်းဒေသကြီး ကန့်ဘလူခရိုင် ကန့်ဘလူမြို့ အမှတ်( ၁)အခြေခံပညာအထက်တန်း ကျောင်း၌ ကျင်းပသည်။အဆိုပါသင်တန်းသို့ အထက်တန်းဆင့် သင်တန်းနည်းပြ ၁၈ ဦး၊သင်တန်းသား ၂၄၃ ဦး၊ အလယ် တန်း ဆင့် သင်တန်းနည်းပြ ၂၀ ဦး၊ သင်တန်းသား ၃၅၄ ဦး၊ မူလတန်းဆင့် သင်တန်းနည်းပြ ၄၀ ဦး၊သင်တန်းသား ၃၀၉ ဦးတက်ရောက်ကြပြီး မတ် ၂၄ ရက်မှ ၂၇ ရက်ထိ နေ့စဥ်နံနက် ၉ နာရီမှမွန်းလွဲ ၃ နာရီခွဲထိ ဆောင်ရွက်သွားမည်ဖြစ်ကြောင်း သိရသည်။
