မြန်မာနိုင်ငံ ကရင်ပြည်နယ်၊ မြဝတီခရိုင်ရှိ ကျားဖြန့်အွန်လိုင်းငွေလိမ်ဂိုဏ်းကနေ ပြန်လွတ်လာတဲ့ ဖိလစ်ပိုင်နိုင်ငံသား ၃၀ နဲ့ လာအိုနိုင်ငံသား ၂၃ ယောက် စုစုပေါင်း ၅၃ ယောက်ကို မတ်လ ၂၄ ရက် ဒီကနေ့ မှာ ထိုင်းနိုင်ငံဘက်ကို ထပ်မံ လွှဲပြောင်းပေးလိုက်ပါတယ်။မြဝတီမြို့နယ်မှာရှိတဲ့ ကျားဖြန့်လုပ်သား နိုင်ငံခြားသား အယောက် ၇၀၀၀ လောက်ကို နေရပ်ပြန်ပို့ဖို့ စီစဉ်ထားတာမှာ မြန်မာ-ထိုင်း ချစ်ကြည်ရေး တံတားအမှတ် ၂ ကနေ ထိုင်းနိုင်ငံ မဲဆောက်မြို့ဘက်ကို လွှဲပြောင်းပေးခဲ့တာ အယောက် ၅၀၀၀ လောက်ရှိသွားပြီ ဖြစ်ပါတယ်။
