အကူလက်နက်ကိုင်တပ်များအပေါ် အရေးပါသည့် အောင်ပွဲအဖြစ် ဆူဒန်စစ်တပ်က သမ္မတအိမ်တော်ကို ပြန်လည်သိမ်းယူ

လေးရက်ကြာ ဝိုင်းပတ်ပိတ်ဆို့ခဲ့ပြီးနောက် သမ္မတအိမ်တော်နှင့် ခါတွမ်မြို့လယ်ရှိ အရေးကြီး အစိုးရအဆောက်အဦများကို ထိန်းချုပ်နိုင်ခဲ့ကြောင်း ဆူဒန်စစ်တပ်က မတ် ၂၁ ရက်၌ ပြောကြားခဲ့ရာ ၎င်း၏ပြိုင်ဘက်ဖြစ်သည့် အမြန်ထောက်ကူရေးတပ်ဖွဲ့ (RSF) အတွက် ကြီးမားသော ထိုးနှက်ချက် ဖြစ်လာခဲ့သည်။ဆူဒန်စစ်တပ် (SAF) ပြောခွင့်ရသူ နာဘီလ် အက်ဘ်ဒါလာက တပ်ဖွဲ့ဝင်များအနေဖြင့် RSF တိုက်ခိုက်ရေးသမားများကို သမ္မတအိမ်တော်ဝင်း၊ အယ်လ်ဆွတ် အယ်လ်-အာရာဘီဈေးနှင့် ဝန်ကြီးဌာနအချို့မှ တိုက်ထုတ်နိုင်ခဲ့ပြီဟု ရုပ်သံမိန့်ခွန်း၌ ထည့်သွင်းပြောကြားခဲ့သည်။