လာမည့် ဘောလုံးရာသီသစ်တွင် ဧရာဝတီအက်ဖ်စီ၏ ဂိုးနည်းပြအဖြစ် ဦးဖြိုးကိုကိုလှိုင်က တာဝန်ယူကိုင်တွယ်သွားမည်

လာမည့် ဘောလုံးရာသီသစ်တွင် ဧရာဝတီအက်ဖ်စီအသင်း ၏ ဂိုးနည်းပြအဖြစ် ဦးဖြိုးကိုကိုလှိုင်က တာဝန်ယူကိုင်တွယ်သွားမည်ဖြစ်ကာဦးဖြိုးကိုကိုလှိုင်သည်၂၀၀၉ မှ ၂၀၁၄ ခုနှစ်အထိ ကစားသမားဘဝတွင် ရှမ်းယူနိုက်တက်၊ ရတနာပုံနှင့် ရခိုင်ယူနိုက်တက် အသင်းများတွင် ဂိုးသမားအဖြစ် ပါဝင်ကစားခဲ့ပြီး ၂၀၁၅ မှ ၂၀၁၇ ခုနှစ်အထိ ရှမ်းယူနိုက်တက် ယူ-၂၀ အသင်း၏ ဂိုးနည်းပြအဖြစ် စတင်ခဲ့သူဖြစ်ပါတယ်။၂၀၁၈ ခုနှစ်တွင် ရခိုင်ယူနိုက်တက်အသင်း၊ ၂၀၁ ၉ ခုနှစ်တွင် ရတနာပုံ ယူ-၁၉ အသင်း၊ ၂၀၂၂ ခုနှစ်တွင် ရက္ခပူရအသင်း၊ ၂၀၂၃ ခုနှစ်တွင် ဧရာဝတီယူနိုက်တက်အသင်းတို့၏ ဂိုးနည်းပြအဖြစ် တာဝန်ထမ်းဆောင်ခဲ့သည့်အပြင် ၂၀၁၈ ခုနှစ်တွင် မြန်မာ့လက်ရွေးစင် ယူ-၂၂ အသင်း၏ ဂိုးနည်းပြအဖြစ် တာဝန်ယူကိုင်တွယ်ခဲ့သူလည်းဖြစ်ပါတယ်။