မတ် ၂၀ ရက်နှင့် ၂၁ ရက်တို့တွင် တရားမဝင် ကုန်သွယ်မှု တိုက်ဖျက်ရေး အထူးအဖွဲ့သည် ဒဂုံမြို့သစ် (အရှေ့ပိုင်း)၊ သီလဝါဆိပ်ကမ်း၊ ရန်ကုန်-မန္တလေးလမ်း၊ ပဲခူးမြို့၊ ဘုရားကြီးမြို့၊ မန္တလေးမြို့၊ ကျောက်ဆည်မြို့၊ မော်လမြိုင်မြို့၊ ဘားအံမြို့၊ ပွင့်ဖြူမြို့၊ မကွေးမြို့၊ ရေနံချောင်းမြို့၊ မင်းတုန်းမြို့၊ ပခုက္ကူမြို့နှင့် တိုက်ကြီးမြို့တို့တွင် တရားမဝင် ကုန်ပစ္စည်းများ၊ မော်တော်ယာဉ်များ၊ ဆိုင်ကယ်များနှင့် သစ်များ စုစုပေါင်း ခန့်မှန်းတန်ဖိုး ငွေကျပ် ၂,၉၅၁,၉၆၇,၀၀၆ ကို ဖမ်းဆီးရမိခဲ့သည်။ တရားမဝင် ကုန်သွယ်မှုများကြောင့် ကုန်ဈေးနှုန်းကြီးမြင့်မှု၊ ငွေကြေးမတည်ငြိမ်မှုနှင့် နိုင်ငံတော်အတွက် အခွန်ဆုံးရှုံးနစ်နာမှုများ ဖြစ်ပေါ်စေသဖြင့် တားဆီးစစ်ဆေးမှုများ ဆောင်ရွက်သွားမည်ဖြစ်ကြောင်း တရားမဝင် ကုန်သွယ်မှု တိုက်ဖျက်ရေး ဦးဆောင်ကော်မတီမှ သိရသည်။
