ထိုင်းနိုင်ငံကို MOU စနစ်နဲ့ တရားဝင်အေဂျင်စီနဲ့ ချိတ်ဆက်သွားရောက်ခဲ့ပေမယ့် သုံးလကြာတဲ့အထိ အလုပ်မရဘဲ အေဂျင်စီကရှာပေးမယ့် အလုပ်စောင့်ရင်းနှင့်ပင် အမျိုးသမီးအလုပ်သမားတစ်ဦးသေဆုံးခဲ့တယ်လို့ ထိုင်းမှ မြန်မာရွှေ့ပြောင်းလုပ်သားအရေး ကူညီပေးနေတဲ့ အဖွဲ့အစည်းတွေဆီကသိရပါတယ်။မြင့်မြတ်တံခွန်အေဂျင်စီမှ ပို့ဆောင်ထားတဲ့အလုပ်သမား ၆၄ ဦးမှာ ၃ လကြာသည်အထိ အလုပ်မရရှိခဲ့ကြောင်းနဲ့ ၎င်းတို့ထဲက အမျိုးသမီးတစ်ဦးဟာအလုပ်စောင့်နေစဉ်အချိန်မှာ နာမကျန်းဖြစ်ကာ သေဆုံးမှုဖြစ်ပွားခဲ့တာပါ။ဒါကြောင့် နစ်နာသူများအနေနဲ့ M.H.A.C မဟာမိတ် အဖွဲ့ထံအကူအညီတောင်းခံကာ ပြီးခဲ့တဲ့ မတ်လ ၂၁ ရက်က ဘန်ကောက်မြို့၊ ထိုင်းအလုပ်သမားဝန်ကြီး ဌာနသို့ သွားရောက်တိုင်ကြားခဲ့ကြောင်း သိရပါတယ်။
