ထိုင်း-မြန်မာ နယ်စပ်ရှိ တာချီလိတ်-မယ်ဆိုင် ဒေသတွင် ထိုင်းနိုင်ငံဘက်မှ နေအိမ်(၃၀)ကျော်က မြန်မာဘက်သို့ ကျူးကျော်ဆောက်လုပ်ထားကြောင်းတွေ့ရှိ

ထိုင်း-မြန်မာ နယ်စပ်ရှိ တာချီလိတ်-မယ်ဆိုင် ဒေသ နယ်နမိတ်မျဉ်းပြန်လည်သတ်မှတ်ရာတွင် ထိုင်းနိုင်ငံ၊ မယ်ဆိုင်ဒေသခံများ၏ နေအိမ် (၃၀) ကျော်က မြန်မာနိုင်ငံဘက်သို့ ကျူးကျော်ဆောက်လုပ်ထားကြောင်း သိရသည်။မြန်မာနယ်နမိတ်အတွင်း ကျူးကျော်ဆောက်လုပ်ထားသည့် အဆောက်အဦးများတွင် ဘုန်းကြီးကျောင်းတစ်ကျောင်း အပါအဝင် အိမ်ငှားတန်းလျားတိုက် ခန်းများနှင့် အိမ်ထောင်စု (၃၀) ကျော်ခန့်ရှိကြောင်း သိရသည်။လက်ရှိတွင် မြန်မာဘက်သို့ ကျူးကျော်၍ နေအိမ်များဆောက်လုပ်နေထိုင်ခြင်း‌ကြောင့် နေရာပြောင်းရွှေ့ရမည့် မယ်ဆိုင်ဒေသခံပြည်သူများမှာ စိုးရိမ်ပူပန်မှုများဖြစ်နေကြောင်း သိရသည်။