ပြည်တွင်း စက်သုံးဆီ ဖူလုံရေးအတွက် ပြည်ပမှ စက်သုံးဆီများ စဉ်ဆက်မပြတ် စီမံတင်သွင်းနေပြီး ဆက်တိုက် ရောက်ရှိနေကြောင်း သိရသည်။နေ့စဉ် သုံးစွဲမှုပမာဏအပြင် အရန်ဆီအနေဖြင့်လည်း ရက်သတ္တသုံးပတ်စာခန့်အထိ ကြိုတင်တင်သွင်း သိုလှောင်ထားရှိသည်ဟု ထုတ်ပြန်ထားသည်။အဓိကဆက်သွယ်ရေး လမ်းကြောင်းကြီးများဖြစ်သည့် ရန်ကုန်-ပဲခူး-နေပြည်တော်-မန္တလေးအမြန်လမ်း၊ ရန်ကုန်-ပုသိမ်-ချောင်းသာ-ငွေဆောင်လမ်း၊ သာစည်-ကလော-အင်းလေး-တောင်ကြီးလမ်း၊ မန္တလေး-မိတ္ထီလာ-ကျောက်ပန်းတောင်း-ပုပ္ပား-ပုဂံလမ်း၊ မန္တလေး-ပြင်ဦးလွင်လမ်း၊ မကွေး-မင်းဘူး-ရွှေစက်တော် လမ်းများပေါ်ရှိ အရောင်းဆိုင်များနှင့် မြို့ကြီးများရှိ အဓိကအရောင်းဆိုင်များသို့ စက်သုံးဆီ ကြိုတင်ဖြည့်တင်းထားကြောင်း သိရသည်။
