ကမ္ဘာပေါ်က ခံနိုင်ရည်အရှိဆုံးသတ္တဝါဖြစ်ပြီး မိုက်ခရိုစကုပ်ဖြင့်ကြည့်မှ မြင်ရတဲ့ တာဒီဂရိတ်တွေဟာ ဓာတ်ရောင်ခြည်ခံနိုင်တဲ့ ပရိုတိန်းကို ထုတ်ပေးပြီး ကင်ဆာကုသမှုတွေကို ပြောင်းလဲစေနိုင်မယ်လို့ လေ့လာချက်တစ်ခုမှာ တွေ့ထားပါတယ်။ ရေဝက်ဝံလို့လည်းခေါ်တဲ့ တာဒီဂရိတ်တွေက Dsupလို့ခေါ်တဲ့ ထိခိုက်မှုလျှော့ချပေးတဲ့ ပရိုတိန်းကို ထုတ်လုပ်ပေးတယ်လို့ သိပ္ပံပညာရှင်များ တွေ့ရှိထားပြီး ဓာတ်ရောင်ခြည်ကုထုံး ခံယူနေရတဲ့ ကင်ဆာလူနာများမှာ အသုံးပြုနိုင်ဖွယ် ရှိပါတယ်။
