ရှမ်းပြည်နယ်တောင်ပိုင်း၊ ပင်လောင်းမြို့နယ်ထွက်ခရမ်းချဉ်သီးများသည် ယခုတွင် တစ်ပိဿာ ၁၅၀၊၂၀၀ ကျပ် ဝန်းကျင်သာရှိသည့်အပြင် ကျေးရွာဖက်လည်း ဝယ်ယူသူမရှိသောကြောင်း စွန့်ပစ်နေရပြီးတစ်ချို့သည် သဘာဝမြေသြဇာအဖြစ် ပြန်လည်းအသုံးပြုကြကြောင်း ခရမ်းချဥ်စိုက်တောင်သူထံက သိရသည်။ပြီးခဲ့သည့် မိုးရာသီတွင် ရာဂီမုန်တိုင်းကြောင့် ခရမ်းချဉ်သီးခင်းဧကများစွာပျက်စီးခဲ့ရပြီးနောက် ခရမ်းချဉ်သီးစျေး တစ်ပိဿာ ၆၀၀၀ ကျပ်အထိ စျေးကောင်းစွာ ရရှိခဲ့သေးကြောင်း သိရသည်။ပင်လောင်းမြို့နယ်တွင်ခရမ်းချဉ်သီးကို မိုးရာသီနှင့် ဆောင်းရာသီတွင် စိုက်ပြီးတစ်နှစ်တွင် နှစ်ကြိမ်စိုက်ပျိုးကြကြောင်း သိရသည်။
