အလုပ်အကိုင်ပြပွဲများတွင် အလုပ်ရရှိနိုင်မှုနည်းပါးသည့်အတွက်၊ နောက်ထပ် လျှောက်ထားစရိတ်များတိုးလာသည့်အတွက် အလုပ်ရှာဖွေသူများ၏ စိတ်ဝင်စားမှု လျော့နည်းလာကြောင်း သိရသည်။ ယခင်က အလုပ်အကိုင်ရှာဖွေသူ လူငယ်များ ပြပွဲများသို့ စိတ်ဝင်စားစွာ တက်ရောက်လျှောက်ထားကြသော်လည်း ယခုအခါ လျှောက်ထားသူများထပ်တိုးလာမှုမရှိသလောက်နည်းပါးလာသည်။အလုပ်ရှာဖွေသူများအနေဖြင့် CV ဖောင်၊ မှတ်ပုံတင်မိတ္တူ၊ ရပ်ကွက်ထောက်ခံစာ၊ ရဲစခန်းထောက်ခံစာ၊ လေဘာကတ် စသည်တို့ကို တင်ပြရန် လိုအပ်ပြီး၊ ယင်းသို့ ပြင်ဆင်မှုများကြောင့် အလုပ်လျှောက်လွှာတင်ရန် ကုန်ကျစရိတ်များ တိုးလာမှုသည်လည်း လျှောက်ထားမှုနည်းလာစေရန် အကြောင်းတစ်ခုဖြစ်နေသည်။
