ကိုရီးယားနိုင်ငံသို့ EPS စနစ်ဖြင့် လုပ်သားသစ် ၁၂၄ ဦး သွားရောက်လုပ်ကိုင်ပြီး ယင်းစနစ်ဖြင့် စေလွှတ်သော အမျိုးသမီးတစ်ဦး ပထမဆုံးသွားရောက်

ကိုရီးယားနိုင်ငံသို့ EPS စနစ်ဖြင့် လုပ်သားသစ် ၁၂၄ ဦး သွားရောက်လုပ်ကိုင်ပြီး ယင်းစနစ်ဖြင့် စေလွှတ်သော အမျိုးသမီးတစ်ဦး ပထမဆုံးသွားရောက်ကြောင်း ကိုရီးယားနိုင်ငံဆိုင်ရာ မြန်မာသံရုံးက ထုတ်ပြန်သည်။ ထုတ်ပြန်ချက်အရ ကိုရီးယားသမ္မတနိုင်ငံသို့ အစိုးရပြည်ပအလုပ်အကိုင်အေဂျင်စီ (POEA) မှတစ်ဆင့် EPS စနစ်ဖြင့် စေလွှတ်သော ကုန်ထုတ်လုပ်သား ၅၈ ဦး၊ သစ်တောလုပ်သား ၂၅ ဦး၊ ဆောက်လုပ်ရေးလုပ်သား ၁၉ ဦး ဝန်ဆောင်မှုလုပ်သား ၇ ဦး (အမျိုးသမီး ၁ ဦး) နှင့် စိုက်ပျိုး/မွေးမြူရေးလုပ်သား ၁၅ ဦး စုစုပေါင်းလုပ်သားသစ် ၁၂၄ ဦးသည် မတ် ၁၉ ရက်တွင် ရန်ကုန်မြို့မှ အင်ချွန်းအပြည်ပြည်ဆိုင်ရာလေဆိပ်သို့ မြန်မာအမျိုးသားလေကြောင်းလိုင်း UB 8301 (Charter Flight) ခရီးစဉ်ဖြင့် ရောက်ရှိခဲ့ကြောင်း သိရသည်။