ရန်ကုန်မြို့၊ ဗဟန်းမြို့နယ် မဟာဝိသုဒ္ဓါရုံ ရွှေကျင်တိုက်သစ်၌ မတ် ၁၉ ရက် နံနက်ပိုင်းတွင် တိပိဋကဓရ ဓမ္မဘဏ္ဍာဂါရိက အဘိဓဇမဟာရဋ္ဌဂုရု၊ တိပိဋက ဘဒ္ဒန္တသိရိန္ဒာဘိဝံသ ယောဆရာတော်ကြီး၏ သက်တော် (၈၂) နှစ်ပြည့် ဝိဇာတမွေးနေ့ မင်္ဂလာအခမ်းအနားကို ကျင်းပခဲ့သည်။ ဆရာတော်ကြီးများ၊ သံဃာတော်များ၊ ဧည့်ပရိသတ်များ တက်ရောက်ခဲ့ပြီး ငါးပါးသီလခံယူခြင်း၊ သြဝါဒကထာနာယူခြင်း၊ ဆရာတော်ကြီးများ၏ ဂုဏ်ပြုချီးကျူးစကားများ နာယူခြင်း၊ လှူဖွယ်ပစ္စည်းများ ဆက်ကပ်လှူဒါန်းခြင်းနှင့် အမျှပေးဝေခြင်းများ ပြုလုပ်ခဲ့သည်။
