ကမ္ဘာ့ဘဏ်၏ အညွှန်းကိန်းများအရမြန်မာနိုင်ငံသည် ၂၀၂၀ မှ ၂၀၃၉ ခုနှစ်အတွင်း နှစ်စဉ် ဖြစ်ပေါ်နေသော အပူချိန်ထက် ပိုပူလာနိုင်ကြောင်း ဖော်ပြထားပြီး အထူးသဖြင့် စစ်ကိုင်းတိုင်း မန္တလေးတိုင်းမကွေးတိုင်း ၊ နေပြည်တော် ၊ ပဲခူးတိုင်း၊ဧရာဝတီတိုင်း ၊ရန်ကုန်တိုင်း စသည့်ဒေသများတွင် Risk factor စကေး 3/4 အလယ်အလတ်အထက် မြင့်သော အပူအန္တရာယ်ကို ခံစားရနိုင်ကြောင်း ဖော်ပြထားပါသည်။ အန္တရာယ်မြင့်မားသော်လည်း အလွန်ထိခိုက်မှု မဖြစ်နိုင်သေးသည့် အနေအထားဖြစ်ပါသည်။ အပူချိန်မြင့်တက်မှုကြောင့် အပူလှိုင်းများကျရောက်ခြင်း ၊ သောက်သုံးရေရှားပါးခြင်း၊ စိုက်ပျိုးရေးအတွက်အခက်တွေ့ခြင်း ၊ ကျန်းမာရေးပြဿနာများ စသဖြင့်ကြုံတွေ့ရနိုင်ပါသည်။ မြန်မာနိုင်ငံသည် ရာသီဥတုပြောင်းလဲမှုဒဏ် ခံစားရမည့် နိုင်ငံများတွင် ပါဝင်ပတ်သက်နိုင်၍ မိမိကိုယ်တိုင် ကာကွယ်မှုပြုခြင်း ၊ လူထုအဆင့်အားဖြည့်ခြင်း ၊ အုပ်ချုပ်ရေးအဆင့်တွင် ကြိုတင်ပြင်ဆင်ခြင်းများ ပြုလုပ်သင့်ပါသည်။
