တနင်္သာရီတိုင်းဒေသကြီးတွင် တရားမဝင် အခြားသစ် ၆ ဒသမ ၇၈၆ တန်နှင့် ဆက်စပ်ပစ္စည်းနှစ်မျိုးဖမ်းမိခဲ့

မတ်လ၁၇ရက်တွင် တနင်္သာရီတိုင်းဒေသကြီး တရားမဝင်ကုန်သွယ်မှုတိုက်ဖျက်ရေးအထူးအဖွဲ့၏ စီမံခန့်ခွဲမှုဖြင့် တာဝန်ကျပူးပေါင်းအဖွဲ့က စစ်ဆေးမှုများဆောင်ရွက်ခဲ့ရာ ကျွန်းစုမြို့နယ် မင်းခေါင်းဆေးကျေးရွာအနီး၌ စက်လှေတစ်စင်းပေါ်မှ တရားမဝင် အခြားသစ် ၆ ဒသမ ၇၈၆ တန်နှင့် ဆက်စပ်ပစ္စည်းနှစ်မျိုး (ခန့်မှန်းတန်ဖိုးငွေကျပ် ၁,၂၂၈,၆၀၀)နှင့် အဆိုပါသစ်များ တင်ဆောင်လာသည့် သစ်သားကိုယ်ထည် စက်လှေတစ်စင်း(ခန့်မှန်းတန်ဖိုးငွေကျပ် ၁၀၀၀၀၀၀) စုစုပေါင်း ခန့်မှန်းတန်ဖိုးငွေကျပ် ၂,၂၂၈,၆၀၀ ကို ဖမ်းဆီးရမိခဲ့ပြီး သစ်တောဥပဒေနှင့်အညီ အရေးယူဆောင်ရွက်လျက်ရှိပါတယ်။