မတ်လ၁၄ ရက် ညပိုင်းကရန်ကုန်တိုင်း၊ သင်္ဃန်းကျွန်းမြို့နယ် စီမံကိန်း ၂၈ ရပ်ကွက် ငမိုးရိပ်တံတားအနီး သဲကွင်းနေရာတွင် ကလေးတစ်ဦးကစားရာမှ ငမိုးရိပ်ချောင်းအတွင်းပြုတ်ကျရာ လက်ရှိအချိန်ထိရှာမတွေ့သေးကြောင်း သုဝဏ္ဏပရဟိတအသင်းမှတာဝန်ရှိသူတစ်ဦးကပြောပါတယ်။မောင်သူထူးနိုင် အသက် ၁၂ နှစ်ဝန်းကျင်ခန့်သည် ငမိုးရိပ်တံတားအနီး သဲကွင်းနေရာတွင် ကလေးများနှင့် ကစားနေစဉ်ငမိုးရိပ်ချောင်းအတွင်းပြုတ်ကျသွားခဲ့ပြီး ရေစီးဖြင့် မျောပါသွားသည့်အတွက် ငမိုးရိပ်ချောင်းတလျှောက်နှင့် ဆက်စပ်နေရာများတွင် ည ၁၁ နာရီထိရှာဖွေခဲ့ပါတယ်။ပျောက်ဆုံးနေသူဝတ်ထားသည့် အဝတ်အစားမှာ အကျီအနက် ဘောင်းဘီအနက်ရောင်ဖြစ်သည့်အတွက် ချောင်းရိုးတစ်လျောက်တွေ့ရှိသူများအနေဖြင့်လည်း သုဝဏ္ဏပရဟိတအသင်းရုံသို့ဆက်သွယ် ပေးရန်လည်း လူမှုကွန်ရက်စာမျက်နှာတွင် အကူအညီတောင်းထားပါတယ်။
