ရန်ကုန်-မန္တလေးအမြန်လမ်း မိုင်တိုင် (၁၁၇/၃) ဖာလုံအနီးတွင် မတ်လ ၁၃ ရက်ည ၆ နာရီ ၅၀ မိနစ်အချိန်က ခရီးသည်တင် YUTONG အမျိုးစား ယာဉ်တစ်စီး အရှိန်မထိန်းနိုင်ပြီး လမ်းယာဘက်မြေသားလမ်းသို့ တိမ်းမှောက်ခဲ့သည်။ ယာဉ်မောင်းနှင့် ခရီးသည် စုစုပေါင်း ၁၃ ဦး လိုက်ပါခဲ့ပြီး ၁၀ ဦးမှာ မစိုးရိမ်ရထိခိုက်ဒဏ်ရာများရရှိခဲ့ကြောင်း အမြန်လမ်းမီးသတ်တပ်ဖွဲ့က ထုတ်ပြန်သည်။ ဒဏ်ရာရသူများကို ဖြူးမြို့နယ် ဆေးရုံသို့ ပို့ဆောင်ကာ ကုသရေးဆောင်ရွက်ထားသည်။
