ရခိုင်ပြည်နယ်၊ပုဏ္ဏားကျွန်းမှာ သောက်သုံးရေပြတ်လပ်နေပြီး ယားနာရောဂါများဖြစ်ပွားနေ

ရခိုင်ပြည်နယ် ပုဏ္ဏားကျွန်း မြို့နယ်ရှိ ကျေးရွာ တွေမှာရေရှားပါးမှုပြဿနာ တွေနဲ့ကြုံတွေ့နေရတယ်လို့ ကူညီကယ်ဆယ်ရေးအဖွဲ့အစည်းတွေဆီကသိရပါတယ်။ပုဏ္ဏားကျွန်းမြို့နယ်မှာ ပြည်သူတွေဟာ ကျန်းမာရေးစောင့်ရှောက်မှု၊ရေလိုအပ်ချက်ရှိမှု၊ စားနပ်ရိက္ခာ ဖူလုံမှုမရှိမှုတို့နဲ့ ရင်ဆိုင်နေရတယ်လို့ ရခိုင်ပြည်နယ်အခြေစိုက် လူမှုကူညီရေးအဖွဲ့တစ်ခုဖြစ်တဲ့ ဖြူစင်ရင်ခွင်ဖောင်ဒေးရှင်းရဲ့ ထုတ်ပြန်ချက်အရ သိရပါတယ်။လက်ရှိမှာ ရေရှေားပါးမှု ပြဿနာကြောင့် ကျေးရွာလူကြီးများက ရှိတဲ့ ရေတွေကို တစ်အိမ်ထောင်စု နှစ်အိုးနဲ့သုံးအိုးကြားသာ ခပ်ခွင့်ပေးထားတယ်လို့လည်း သိရပါတယ်။ပုဏ္ဏားကျွန်းမြို့နယ်အတွင်း ရရှိနေ‌တဲ့ရေကလည်း ဆားငန်ရည်အချို့ ပါဝင်တာကြောင့် သောက်သုံးရာမှာလည်း အဆင်မပြေမှုများ ဖြစ်ပေါ်ပြီး သက်ကြီးရွယ်အိုနဲ့ ကလေးတွေမှာ ယားနာအချို့လည်း ဖြစ်ပေါ်နေပါတယ်။