၂၀၂၅ ခုနှစ် တက္ကသိုလ်ဝင်တန်းစာမေးပွဲကို မြန်မာတစ်နိုင်ငံလုံးတွင် မတ်လ (၁၇)ရက်နေ့မှ စတင်ဖြေဆိုမည်ဖြစ်သည့်အတွက် စစ်ကိုင်းတိုင်းဒေသကြီး၊ ခန္တီးမြို့တွင် မီးသတ်ဆေးဘူးများပြန်လည်စစ်ဆေးခြင်း၊ လျှပ်စစ်မီးသွယ်တန်းထားမှုများစစ်ဆေးခြင်း၊ ချက်ပြုတ်သည့် မီးဖိုဆောင်များ မီးဘေးအန္တရာယ်မရှိစေရေး စစ်ဆေးဆောင်ရွက်ခြင်းနှင့် မီးချိတ်မီးကပ်၊ သဲပုံးရေပုံး၊ ရေကန်ထားရှိမှုများ စစ်ဆေးဆောင်ရွက်ခြင်းလုပ်ငန်းများကို ယနေ့ နံနက် (၉)နာရီအချိန်က စာစစ်ဌာန အခြေခံပညာအထက်တန်းကျောင်း(ခန္တီး) နှင့် ကျောင်းပတ်ဝန်းကျင်ရှိလူနေအိမ်များ၌ မီးဘေးလုံခြုံရေးစစ်ဆေးဆောင်ရွက်ခဲ့ကြောင်းသိရသည်။
