ထားဝယ်မြို့ ၊ ထားဝယ်ဆေးရုံကြီးဝင်းအတွင်းရှိ ကံ့ကော်ပင် ပေါ်တက်၍ ကံ့ကော်ပန်းတက်ခူးသည့် အသက် ၁၂ နှစ်အရွယ်မိန်းကလေးကို ယနေ့ (မတ် ၁၀) နံနက် ၁၁ နာရီ ၁၅ မိနစ်အချိန်တွင် ကယ်တင်ခဲ့ရခြင်းဖြစ်ကြောင်း မြို့နယ်မီးသတ်တပ်ဖွဲ့မှ တာဝန်ရှိသူတစ်ဦးကပြောသည်။မိန်းကလေး ခြေထောက်ညပ်နေသည့် အဆိုပါ ကံ့ကော်ပင်၏ ခွသည် မြေပြင်မှ ပေ ၃၀ ခန့်ရှိသည့် အမြင့်တွင်ရှိပြီး ထားဝယ်မြို့နယ်မီးသတ်တပ်ဖွဲ့မှာ ကယ်ဆယ်ရေးလှေကားဖြင့် တက်ရောက် ကယ်တင်ခဲ့ရာ ၁၀ မိနစ်ခန့်အကြာတွင် ကယ်ဆယ်နိုင်ခဲ့ကြောင်း ထားဝယ်မြို့နယ်မီးသတ်တပ်ဖွဲ့ထံမှ သိရသည်။
