သိန္နီမြို့တံတားမှာ ယာယီယာဥ်မောင်းနှင်ခွင့်ကတ်ပြား မရှိတဲ့ယာဥ်တွေကို ရှောင်တခင် စစ်ဆေးဖမ်းဆီးနေတာကြောင့် ဒေသခံတွေ အခက်ခဲကြုံနေရတယ်လို့သိရပါသည်။အရင်က ကိုးကန့်ဒေသဘက်ကို "ဝ" လိုင်စင်ကတ်ပြားရှိရင် ယာယီယာဉ်မောင်းနှင်ခွင့်ကတ်ပြားတွေမလိုဘဲ သွားလာလို့ ရတာဖြစ်ပြီး ပြီးခဲ့တဲ့ မတ်လ ၄ ရက်နေ့ကစ သိန္နီတံတားမှာ ရုတ်တရက် (ရှောင်တခွင်) စစ်ဆေးတာကြောင့် ရပ်ဝေးကလာတဲ့ ဟိုပန်က ခရီးသည်တွေအတွက် အခက်အခဲကြုံတွေ့ စေခဲ့ပြီးအဲ့ဒီ ယာယီယာဥ်မောင်းနှင်ခွင့်ကတ်ပြား မလုပ်ရသေးတဲ့ ယာဥ်တွေကို ဖြတ်သန်းသွားလာခွင့်မပေးတာကြောင့် ဟိုပန်ဖက်ကလာတဲ့ ခရီးသည်တချို့ သိန္နီ မှာ အားလုံးတန်းစီပြီး ယာယီမောင်းနှင်ခွင့်ကတ်ပြား ပြန်လုပ်ကြရတယ် တချို့ယာဉ်တွေလည်း လှည့်ပြန်တာရှိတယ်လို့ ဆိုပါသည်။
