ရန်ကုန်ရပ်ကွက်များတွင် လှည့်လည်ရောင်းချသည့် ဈေးသည်များ ယခင်ထက် များလာသဖြင့် အထိုင်ဆိုင်များ အရောင်းကျဆင်းနေကြောင်း သိရသည်။ ယခင်က နှစ်ဦး၊ သုံးဦးသာရှိရာမှ ယခု ခုနှစ်ဦး၊ ရှစ်ဦးအထိ များလာခြင်း၊ တစ်ဦးနှင့်တစ်ဦး မတူညီအောင် ကုန်ပစ္စည်းပြောင်းလဲရောင်းချရခြင်းနှင့် စမူဆာ၊ အီကြာကွေးကဲ့သို့သော စားသောက်ကုန်များ ဈေးနှုန်းမြင့်တက်လာခြင်းတို့ကြောင့် ရောင်းအားထိခိုက်နေကြောင်း ဈေးသည်များနှင့် ဆိုင်ရှင်များက ပြောသည်။
