မြန်မာနိုင်ငံရှိဆန်နှင့်ဆန်ထွက်ပစ္စည်းများ အရည်အသွေးနှင့် တိကျစွာတိုင်းတာမှုဆိုင်ရာ အသိပညာပေးဆွေးနွေးပွဲကျင်းပခဲ့

မတ်လ၈ ရက်‌တွင် ရန်ကုန်မြို့ ၊ မင်းရဲကျော်စွာလမ်းပေါ်ရှိ ကုန်သည်စက်မှုအသင်းချုပ်၌ ဆန်နှင့်ဆန်ထွက်ပစ္စည်းများ အရည်အသွေးနှင့် တိကျစွာတိုင်းတာမှုဆိုင်ရာ အသိပညာပေးဆွေးနွေးပွဲကျင်းပခဲ့ပြီးယင်းဆွေးနွေးပွဲတွင် သိပ္ပံနှင့်နည်းပညာဝန်ကြီးဌာနမှ တာဝန်ရှိသူများသည် ပြည်ပနိုင်ငံများသို့ ဆန်စပါးတင်ပို့ရောင်းချခြင်းများ ဆောင်ရွက်ရာတွင် နိုင်ငံတကာမှ ချမှတ်အသုံးပြုနေသည့် အလေးချိန်၊ ချိန်တွယ်တိုင်းတာခြင်းယူနစ်များကို ဆန်ကုန်သည်များနှင့် ဆက်စပ်အဖွဲ့အစည်းများမှ သိရှိနိုင်ရေး၊ ဆန်စပါးနှင့် ပတ်သက်သည့် စံချိန်စံညွှန်းများနှင့် SI ယူနစ်များကို အသုံးပြုပြီး ပြည်ပနိုင်ငံများ သို့ တင်ပို့ရာတွင် အလေးချိန်အတွက် ကီလိုဂရမ်(Kg) အသုံးပြုခြင်း၏ အရေးပါပုံ ၊ ထိုသို့အသုံးပြုခြင်းဖြင့် ရရှိလာသော အကျိုးကျေးဇူးများအား သိရှိနိုင်ရန် ရည်ရွယ်၍ ကျင်းပရခြင်းဖြစ်ကြောင်းသိရပါတယ်။