ပုသိမ်ကြီးမြို့နယ် ရွှေစာရံဘုရားပွဲတော်မတိုင်ခင် အနယ်နယ်အရပ်ရပ်မှ ဘုရားဖူးပြည်သူများ လာရောက် လည်ပတ်သူများဖြင့် စည်ကား

မန္တလေးတိုင်းဒေသကြီး၊ အောင်မြေသာစံခရိုင်၊ ပုသိမ်ကြီးမြို့နယ်၊ ရွှေစာရံကျေးရွာရှိ ရွှေစာရံ ဘုရားကြီး တွင် ယခုနှစ် (၇၇) ကြိမ်မြောက် အထိမ်းအမှတ် သစ္စာအဓိဋ္ဌာန်ရွှေစာရံဘုရားကြီး၏ ဗုဒ္ဓပူဇနိယပွဲတော် ကာလတွင် အနယ်နယ်အရပ်ရပ်မှ ဘုရားဖူးပြည်သူများဖြင့် စည်ကားလျက်ရှိသည်။ရွှေစာရံစေတီတော်သို့ ဘုရားဖူးလာရောက်သူများအနေဖြင့် လည်ပတ်စရာ ဈေးတန်းများအပြင်၊ ဒုဋ္ဌဝတီမြစ်တွင် ရေကစား ခြင်း၊ အပျော်စီးစက်လှေစီးခြင်းတို့ကို ပြုလုပ်နိုင်ပြီး၊ ဈေးတန်းတွင်လည်း ဗမာမုန့်အမျိုးမျိုး၊ ရှမ်းပြည်နယ်ဒေသထွက်ကုန်များဖြစ်သည့် ဆေးဖက်ဝင်ပစ္စည်းများနှင့် ဒေသအစား အစာများပါ နှစ်စဉ်ရောင်းချလျက်ရှိသည်။