မိဘခြေရာနှင့် လက်ရာများကို မိုလ်လောင်းကာ ပုံတူလုပ်ဆောင်ပေးသည့်ဝန်ဆောင်မှုလုပ်ငန်းများ ရှိလာခဲ့ပြီး အမှတ်တရအဖြစ် လုပ်ဆောင်သူများလည်း ရှိနေကြောင်း သိရသည်။အဆိုပါ မိဘခြေရာနှင့် လက်ရာများကို ကျောက်သားဖြင့် မိုလ်လောင်းကာ ပုံစံတူပြုလုပ်ပေးသည့် ဝန် ဆောင်မှု လုပ်ငန်းများမှာ ရန်ကုန်၊ မန္တလေးအပါအဝင် မြို့ကြီးတချို့တွင် ရှိလာခဲ့ပြီး အမှတ်တရအဖြစ် မိဘများ၏ ခြေရာ နှင့် လက်ရာများကို သိမ်း ဆည်းလိုသူများမှ လာရောက်လုပ်ဆောင်ကြကြောင်း သိရသည်။အဆိုပါ မိဘနှစ်ပါး၏ ခြေရာနှင့် လက်ရာများကို ပုံတူ လုပ်ဆောင်ပေးခြင်းအပြင် ကလေးငယ်များ၏ ခြေရာနှင့် လက်ရာများကိုလည်း ပုံစံတူပြုလုပ်၍ ရပြီး စိတ်ဝင်တစားဖြင့် ပြုလုပ်ကြသူများလည်းရှိလာခဲ့ကြောင်း သိရသည်။
