၂၀၂၄ ခုနှစ်အတွင်း ထူးချွန်စွာ တာဝန်ထမ်းဆောင်ခဲ့ကြသည့် နိုင်ငံ့ဝန်ထမ်း (၁၉၉) ဦးအား (၇၇) နှစ်မြောက် ချင်းအမျိုးသားနေ့တွင် ဂုဏ်ထူးဆောင်လက်မှတ်နှင့် ဂုဏ်ထူးဆောင်ဆုပစ္စည်းများ ချီးမြှင့်ခဲ့သည်။ မတ်လ ၅ ရက်နေ့ ဟားခါးမြို့၌ ကျင်းပသော အခမ်းအနားတွင် အမှုထမ်းကောင်းဆု၊ စီမံခန့်ခွဲရေးဆိုင်ရာနှင့် လူမှုရေးဆိုင်ရာ ထူးချွန်ဆုများအပြင် ပြည်နယ်ဝန်ကြီးချုပ်၏ ဂုဏ်ပြုလက်မှတ်များ ပေးအပ်ခဲ့ပြီး စုစုပေါင်း ငွေကျပ် (၄၈၆) သိန်းတိတိ ချီးမြှင့်ပေးခဲ့ကြောင်း သိရသည်။ ဤဂုဏ်ပြုချီးမြှင့်မှုသည် ဝန်ထမ်းများ၏ လုပ်ငန်းစွမ်းဆောင်ရည်ကို အသိအမှတ်ပြုခြင်းနှင့် အလုပ်ခွင်တွင် တီထွင်ဖန်တီးလိုစိတ်များ ပိုမိုထက်သန်လာစေရန် ရည်ရွယ်သည်။
