သင်္ဘောသားလူသစ်များအတွက် အေးဂျင့်ပွဲစားခ (ရိုက်ကြေး) များ အဆမတန်မြင့်တက်လာသောကြောင့် ပြည်ပထွက်ခွာရန်နှင့် အလုပ်အကိုင်ရရှိရန် အခက်အခဲများ ကြုံတွေ့နေရကြောင်း သင်္ဘောသားအသိုင်းအဝိုင်းမှ သိရသည်။ ပွဲစားအေးဂျင့်ခများသည် လူသစ်များသာမက လူဟောင်းများအတွက်ပါ ပေးဆောင်ရပြီး အမေရိကန်ဒေါ်လာ ၁၀၀ တန် (အစိမ်းအရွက် ၃၀) နီးပါးအထိ မြင့်တက်လာကြောင်း သင်္ဘောသားများက ပြောကြားသည်။ ထို့အပြင် အခွန် ၈% ကြိုတင်ပေးဆောင်ရခြင်း၊ သင်တန်းစရိတ်များ၊ လူသစ်များအတွက် သင်္ဘောလိုင်းကြီးများရရှိရန် ခက်ခဲခြင်းတို့ကြောင့် လူသစ်များအနေဖြင့် အရင်းကျေရန် ပိုမိုခက်ခဲလာသည်။ ရိုက်ကြေးမတတ်နိုင်သူများမှာ တရုတ်ငါးဖမ်းလှေများနှင့် တရားမဝင် သင်္ဘောများသို့ သွားရောက်လုပ်ကိုင်နေကြပြီး အသက် ၃၅ နှစ်အထက် လူသစ်များအတွက် အလုပ်အကိုင်ရရှိရန် ပိုမိုခက်ခဲလာသည်။
