မြန်မာဘောက်ဆာ ၃ ဦး ထိုင်းနိုင်ငံတွင် တရုတ်ဖိုက်တာများနှင့် ယှဉ်ပြိုင်ထိုးသတ်မည်

မတ်လ ၈ ရက်နေ့တွင် ထိုင်းနိုင်ငံ၊ ဗန်ကောက်မြို့၌ ကျင်းပမည့် Asian Friendship Silver Belt Championship ဘောက်ဆင်ပြိုင်ပွဲတွင် မြန်မာကိုယ်စားပြု ကစားသမား ၃ ဦးသည် ဝိတ်တန်း ၃ တန်း၌ တရုတ်ဖိုက်တာများနှင့် ယှဉ်ပြိုင်ထိုးသတ်မည်ဖြစ်သည်။ နေထက်အောင်၊ မျိုးခန့်ကျော်နှင့် နိုင်ဝင်းထွန်းတို့သည် အသီးသီး Jun Luo, Gaocong Ding နှင့် Chen Zhao တို့နှင့် ယှဉ်ပြိုင်မည်ဖြစ်ပြီး MBC အနေဖြင့် ယခုနှစ်အတွင်း ဂျပန်၊ ထိုင်းနှင့် ကမ္ဘောဒီးယားတို့၌ ကျင်းပမည့် ဘောက်ဆင်ပွဲများတွင် မြန်မာကစားသမား ၁၅ ဦးခန့် ပါဝင်ယှဉ်ပြိုင်ရန် စီစဉ်ထားကြောင်း သိရသည်။