စစ်ကိုင်းတိုင်း၊ကလေးမြို့မှာ ကျပ်သိန်းငါးထောင်ကျော်တန်ဖိုးရှိ ဘိန်းဖြူများ ဖမ်းဆီးရမိခဲ့

ဖေဖော်ဝါရီ ၂၈ ရက်က သိန်းငါးထောင်ကျော်တန်ဖိုးရှိတဲ့ ဘိန်းဖြူတွေ ဆိုင်ကယ်နှစ်စီးကနေ ဖမ်းဆီးရမိတဲ့ ဖြစ်ရပ် စစ်ကိုင်းတိုင်း၊ကလေးမြို့ မှာ ဖြစ်ပွားခဲ့ပါတယ်။ဖြစ်စဉ်မှာ ဖေဖော်ဝါရီလ ၂၈ ရက် မနက် ၆ နာရီ အချိန်က ကလေးမြို့နယ်၊ ဒိုးဝိုင်းချောင်းကျေးရွာအနီး တွင် မျိုးထက်အောင်(ခ) အရှည်ကြီး မောင်းနှင်လာသည့် မော်တော်ဆိုင်ကယ်နှင့် မျိုးဇော်ဦး(ခ)မောင်ပြူး မောင်း နှင်လာသည့် မော်တော်ဆိုင်ကယ်တို့အား ပူးပေါင်းအဖွဲ့က သက်သေများနှင့်အတူရပ်တန့်စစ်ဆေးရှာဖွေရာ ၎င်း တို့ ထံမှ ဘိန်းဖြူ အလေးချိန် ၁၁ ကီလို(ဒေသကာလပေါက်ဈေးတန်ဖိုးငွေကျပ်သိန်း ၅,၅၀၀)နှင့် လက်ကိုင်ဖုန်း ၂ လုံးတို့အား တွေ့ရှိသိမ်းဆည်းရမိခဲ့သည်။တရားခံများဖြစ်သည့်မျိုးထက်အောင်(ခ)အရှည်ကြီး(၃၃)နှစ် နှင့် မျိုးဇော်ဦး(ခ)မောင်ပြူး(၃၁)နှစ် တို့အား ဖမ်းဆီးကာ ကလေးမြို့မရဲစခန်းတွင် မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများ ဆိုင်ရာ ဥပဒေအရ အမှုဖွင့် အရေးယူပြီး ကွင်းဆက်များ ဖော်ထုတ်လျက်ရှိပါတယ်။