ရန်ကုန်မှ ရခိုင်ပြည်နယ်သို့ ပို့ဆောင်ရန်သယ်ဆောင်လာသည့် မူးယစ်ဆေးဝါးများနှင့် တရားခံများကို ပန်းတောင်းမြို့နယ်တွင်ဖမ်းမိခဲ့

ဖေဖော်ဝါရီလ ၂၈ ရက်ကရန်ကုန်မြို့မှ ရခိုင်ပြည်နယ်သို့ သယ်ဆောင်မည့် မူးယစ်ဆေးဝါးများကို ပဲခူးတိုင်းဒေသကြီး၊ ပန်းတောင်းမြို့နယ်၊ ဘူးဘက်ကျေးရွာစစ်ဆေးရေးဂိတ်၌ ပြီးခဲ့သည့် တရားခံများနှင့်အတူ ဖမ်းဆီးရမိခဲ့ရာတရားခံများဖြစ်သည့်သန်းအောင်ဆွေ၊ ကျော်ဝင်းထွန်းနှင့် ကျော်ဆန်းမင်း ဆိုသူတို့ မောင်းနှင်လိုက်ပါလာသော ယာဉ်အမှတ်၊ BGO-11/2R-2073 SOJEN အဖြူရောင်ယာဉ်ပေါ်မှ စက္ကူပုံး ၆ ပုံးအတွင်း သိုဝှက်သယ်ဆောင်လာသည့် ငွေကျပ် ၁.၅၃ ဘီလီယံခန့်တန်ဖိုးရှိ စိတ်ကြွရူးသွပ်ဆေးပြား ၁၀.၂ သိန်းပြားကိုလည်းကောင်း၊ ကျော်ဇင်လတ်၊ ခင်မောင်မြင့်ရွှေ၊ ကြည်ကြည်ခိုင် ဆိုသူတို့ကို ယာဉ်အမှတ်၊ YGN-41/HH-2534 Probox အဖြူရောင်ယာဉ်နှင့်လည်းကောင်း ဖမ်းဆီးရမိခဲ့ခြင်းဖြစ်ပါတယ်။