ဂျပန်နိုင်ငံ၊ Kanto-Koshin ဒေသရှိ တောင်တန်းအရပ်တွေမှာ နှင်းကျနေပြီး တနင်္လာနေ့မွန်းလွဲပိုင်းကစပြီး တိုကျိုရဲ့ ၂၃ မြို့နယ်အပါအဝင် Kanto တောင်ပိုင်းရှိ မြေနိမ့်ပိုင်းအရပ်တွေမှာ နှင်းတွေစုပုံလာနိုင်ပါတယ်။ တိုကျိုမြို့လယ်မှာ ညသန်းခေါင်ကစပြီး အပူချိန်ကျဆင်းခဲ့ပြီး တနင်္လာနေ့ မနက် ၁၁ နာရီမှာ ၅.၂ ဒီဂရီ ဆဲလ်စီးယပ်စ်ရှိခဲ့ပါတယ်။ အင်္ဂါနေ့ မွန်းတည့်အထိ ၂၄ နာရီအတွင်း Koshin ဒေသမှာ ၁၀ စင်တီမီတာအထိ နှင်းကျနိုင်ပြီး ယာဉ်ကြောပြတ်တောက်မှုတွေအတွက် သတိရှိကြဖို့၊ နောက်ဆုံးထုတ်ပြန် မိုးလေဝသဆိုင်ရာ အချက်အလက်တွေကို သိရှိအောင်လုပ်ထားဖို့နဲ့ နှင်းထူထပ်တဲ့လမ်းတွေပေါ်မှာယာဉ်မောင်းနှင်ရင် နှင်းတာယာ ဒါမှမဟုတ် တာယာချိန်းကြိုးတွေ တပ်ဆင်ဖို့ တာဝန်ရှိသူတွေက တိုက်တွန်းထားပါသည်။
