ရှမ်းပြည်နယ်တောင်ပိုင်း၊ ပင်လောင်းမြို့နယ်ရှိ ရေရှားပါးသည့် ဝါးလီး၊ ထီဗွာ၊ လိန်းညားကျေးရွာ များသည် နီးစပ်ရာ ဒေသ ရှိ ချောင်းရေများကိုအသုံးပြုရသဖြင့် ဝမ်းလျော၊ ဝမ်းပျက်ခြင်းနှင့် အရေပြားယားသည့် ကျန်းမာရေးအခက်အခဲကြုံနေရသည်။နန်းပန်း ကျေးရွာရှိ ချောင်းရေသို့ နီးစပ်ရာရွာများရှိဒေသခံများသည် ချောင်းရှိရာနေရာကို ဆိုင်ကယ်ဖြင့် တစ်နာရီကြာသွားရပြီး ရေချိုးခြင်း ၊ ရေသယ်ခြင်းများပြုလုပ်ရကြောင်းသိရသည်။ ယခုနောက်ပိုင်း ချောင်းများရှိ ရေများသည် နွေရာသီအချိန်ရောက်ခါနီးတိုင်း တဖြည်းဖြည်း ခမ်းခြောက်လာကြောင်း ၊ ဖယ်ခုံနှင့် ပင်လောင်းနယ်စပ် အကြားရှိ နယ်စပ်၌ ပင်လောင်းမြို့ထက်ပိုပူပြင်းသဖြင့် ရေရှားပါးမှု ပိုဆိုးရွာကြောင်းသိရသည်။
