တောင်ကိုရီးယားနိုင်ငံရဲ့ Smart Farm နည်းပညာပြပွဲကို မြန်မာလုပ်ငန်းရှင်တွေလာရောက်ဖို့ဖိတ်ခေါ်ထား

တောင်ကိုရီးယားနိုင်ငံမှာ ကျင်းပမယ့် Smart Farm Korea 2025 (SFKOREA 2025) ပြပွဲအတွက် မြန်မာက လုပ်ငန်းရှင်တွေကို ဖိတ်ခေါ်ထားတယ်လို့ မြန်မာ့ကုန်သွယ်မှု မြှင့်တင်ရေးအဖွဲ့၊ ကုန်သွယ်မှုဖွံ့ဖြိုးရေးဌာနခွဲ က သိရပါတယ်။ "တောင်ကိုရီးယား ကုန်စည်နဲ့ နည်းပညာတွေကို ဝယ်ယူလိုတဲ့ မြန်မာနိုင်ငံက Buyers တွေ ၊ ရင်းနှီးမြှုပ်နှံလိုသူတွေ၊ Smart Farming ကဏ္ဍက ကျွမ်းကျင်ပညာရှင်တွေနဲ့ အစိုးရအဖွဲ့အစည်းတွေက လယ်ယာစိုက်ပျိုးရေးဆိုင်ရာသုတေသနပညာရှင်တွေ ပါဝင်တက်ရောက်ဖို့ ဖိတ်ကြားထားတာဖြစ်ပါတယ်လို့ " မြန်မာ့ကုန်သွယ်မှု မြှင့်တင်ရေးအဖွဲ့၊ ကုန်သွယ်မှုဖွံ့ဖြိုးရေးဌာနခွဲ ကပြောပါတယ်။ပြပွဲကို တောင်ကိုရီးယားနိုင်ငံ Gyeongsangnam-do ပြည်နယ်၊ Changwon မြို့ရှိ Changwon Convention Center မှာ လာမယ့် မေ ၂၁ ရက် ကနေ၂၃ ရက်အထိ ကျင်းပသွားမှာဖြစ်ပါတယ်။Smart Farming အတွက် လိုအပ်တဲ့ နည်းပညာအမျိုးမျိုးကို မိတ်ဆက်ပေးဖို့၊ နဲ့ အနာဂတ် လယ်ယာစိုက်ပျိုးရေးနဲ့ မွေးမြူရေး ကဏ္ဍဖွံ့ဖြိုးတိုးတက်ဖို့ ဦးဆောင်နိုင်မယ့် လယ်သမားတွေကို အကူညီပေးဖို့ အတွက် ရည်ရွယ်ပြီး ၊ ပြပွဲ ကို ကျင်းပတာဖြစ်ပါတယ်။