မြန်မာနိုင်ငံ၏ ပထမဆုံး AI Yangon 2025 ပြပွဲအား ရန်ကုန်မြို့ရှိ ဂမုန်းပွင့် Wholesale Mall ၌ သုံးရက်ကြာ ကျင်းပမည်

မြန်မာနိုင်ငံ၏ အကြီးဆုံးနှင့် အရေးပါဆုံး ဉာဏ်ရည်တုနည်းပညာဆိုင်ရာ ပြပွဲတစ်ခုဖြစ်သည့် AI Yangon 2025 ကို ဖေဖော်ဝါရီလ(၂၈)ရက်မှ မတ်လ(၂)ရက်နေ့အထိ ရန်ကုန်မြို့ရှိ ဂမုန်းပွင့် Wholesale Mall တွင် စည်ကားသိုက်မြိုက်စွာ ကျင်းပသွားမည်ဖြစ်ပါတယ်။ပထမဆုံး AI Yangon 2025 တွင် မြန်မာနိုင်ငံမှ ထိပ်တန်းစတင်လုပ်ကိုင်နေသော လုပ်ငန်းများနှင့် သုတေသီများ၏ ခေတ်မီတီထွင်မှုများကို လေ့လာနိုင်မည့် အခွင့်အလမ်းဖြစ်သော တီထွင်ဆန်းသစ်မှုပြပွဲ၊ AI ၏ အခြေခံများမှစ၍ စက်သင်ယူမှု(Mechine Learning)နှင့် နည်းပညာဆိုင်ရာ ခေတ်ရေစီးကြောင်းများကို လက်တွေ့သင်ကြားပို့ချပေးမည့် အပြင်ပြပွဲတွင် ဆိုင်ခန်းပေါင်း (၅၀)ကျော်က ခေတ်မီနည်းပညာများကို ပြသမည်ဖြစ်ပြီး ပြပွဲသို့ လာရောက်သူများအနေဖြင့် နောက်ဆုံးပေါ် AI နည်းပညာများကို သိရှိနိုင်မည်ဖြစ်ပါတယ်။