မကွေးတိုင်းဒေသကြီး၊မကွေးမြို့နယ်နှင့် ဆင်ပေါင်ဝဲမြို့နယ်တို့၌ လိုင်စင်မဲ့ယာဉ်တစ်စီးနှင့် လိုင်စင်မဲ့ဆိုင်ကယ်သုံးစီးဖမ်းဆီးရမိခဲ့

ဖေဖော်ဝါရီ ၂၄ ရက်တွင် မကွေးတိုင်းဒေသကြီး တရားမဝင်ကုန်သွယ်မှုတိုက်ဖျက်ရေးအထူးအဖွဲ့၏ စီမံခန့်ခွဲမှုဖြင့် တာဝန်ကျပူးပေါင်းအဖွဲ့များက စစ်ဆေးမှုများဆောင်ရွက်ခဲ့ရာ မကွေးမြို့နယ်နှင့် ဆင်ပေါင်ဝဲမြို့နယ်တို့၌ လိုင်စင်မဲ့ယာဉ်တစ်စီးနှင့် လိုင်စင်မဲ့ဆိုင်ကယ်သုံးစီး (ခန့်မှန်းတန်ဖိုးငွေကျပ် ၇,၆၀၀,၀၀၀) ကို ပို့ကုန်သွင်းကုန်ဥပဒေအရ လည်းကောင်း၊ မကွေးမြို့နယ်နှင့် နတ်မောက်မြို့နယ်တို့အတွင်း၌ တရားမဝင်အခြားသစ် ၁ ဒသမ ၅၆၈ တန် (ခန့်မှန်းတန်ဖိုးငွေ ၁၁၉,၁၂၂ ကျပ်) ကို သစ်တောဥပဒေအရလည်းကောင်း စုစုပေါင်းခန့်မှန်းတန်ဖိုးငွေ ၇,၇၁၉,၁၂၂ ကျပ်ကို သိမ်းဆည်းအရေးယူဆောင်ရွက်လျက်ရှိပါတယ်။