မာစီးဒီးစ်အသင်းဟာ ၂၀၂၅ ဖော်မြူလာဝမ်းရာသီအတွက် အသင်းပြိုင်ကားသစ်ကို တရားဝင်မိတ်ဆက်ခဲ့ပြီး အသင်းကားမောင်းသမား ရပ်ဆဲလ် ကတော့ ပြိုင်ကားသစ်အပေါ် စိတ်တိုင်းကျတယ်လို့ ပြောကြားသွားခဲ့ပါတယ်။ မာစီးဒီးစ် အသင်းရဲ့ ပြိုင်ကားသစ် W16E ဟာ ပြီးခဲ့တဲ့နှစ်ကနဲ့မတူဘဲ အသင်းကို အပြောင်းအလဲတွေ ယူဆောင်ပေးလာလိမ့် မယ်လို့ ရပ်ဆဲလ် က ပြောကြားသွားခဲ့တာ ဖြစ်ပါတယ်။ မာစီးဒီးစ်အသင်းဟာ ပြီးခဲ့တဲ့ ၂၀၂၄ ရာသီမှာ ဂရင်းပရီနိုင်ပွဲ ၄ ပွဲသာ ရယူနိုင်ခဲ့ပြီး ရပ်ဆဲလ်နဲ့ ဟာမီလ်တန်တို့ က ၂ ပွဲစီ နိုင်ပွဲရယူပေးထားခဲ့တာ ဖြစ်ပါတယ်။
