မန္တလေး စက်မှုပန်းခြံအနီးရှိ ဖုန်းဆိုင်တဆိုင်တွင် ဖုန်းအလိမ်ခံရမှု ဖြစ်သွား

မန္တလေးမြို့၊ စက်မှုပန်းခြံအနီး၊ ၇၈လမ်း(ရန်ကုန်-မန္တလေးလမ်း)၊ ၁၃၃လမ်းနှင့် ၁၃၄လမ်းကြားရှိ ဖုန်းဆိုင်တဆိုင်တွင် ဖုန်းအလိမ်ခံရမှု ဖြစ်ပွားသွားသည်။ဆိုင်သို့ ဆိုင်ကယ်စီးအမျိုးသားတဦးတည်းလာရောက်၍ ဖုန်းနှစ်လုံးကိုလိမ်လည်ယူဆောင်သွားခြင်းဖြစ်သောကြောင့် ဖုန်းအဟောင်းရောင်းဝယ်ရေးဆိုင်များအနေဖြင့် ဝိုင်းဝန်းကူညီပေးကြပါရန် မေတ္တာရပ်ခံထားသည်။လိမ်လည်ယူဆောင်သွားသည့် ဖုန်းမှာ Xiaomi နှင့် IPhone 14 Pro ဖြစ်ပြီး အဆိုပါဖြစ်စဉ်သည်ဖေဖော်ဝါရီ၂၅ရက် ညနေပိုင်းက ဖြစ်ပွားခဲ့ခြင်းဖြစ်သည်။