ရှမ်းပြည်နယ်(အရှေ့ ပိုင်း)၊ကျိုင်းတုံက တောင်ပေါ်ရွာ ၄၀ ခန့်မှာ စပါးစိုက်မရလို့ စားနပ်ရိက္ခာပြတ်လပ်မှု ပိုမိုဆိုးရွားလာပြီး အာဟာရပြတ်လပ်၍ ရောဂါပေါင်းစုံဝင်လာနိုင်မှုစိုးရိမ်နေ

ရှမ်းပြည်နယ်(အရှေ့ ပိုင်း)၊ကျိုင်းတုံမြို့က တောင်ပေါ်ရွာ၄၀ခန့်မှာသဘာဝဘေးနဲ့ကြွက်တွေကြောင့် စပါးစိုက်မရတာကြောင့် စားနပ်ရိက္ခာပြတ်လပ်မှု ပိုမိုဆိုးရွားလာတယ်လို့ ဒေသခံတွေက ပြောပြီး လက်ရှိမှာ တောင်ပေါ်ရွာတွေကဒေသခံတွေအနေနဲ့ ဆန်ရိက္ခာကိုအဓိကလိုအပ်နေပြီး အငတ်ဘေးကြုံနေရလို့ အာဟာရချို့တဲ့မှုနဲ့ဆက်စပ်နေတဲ့ရောဂါတွေကို ကြုံတွေ့ခံစားနေရပါတယ်။ထို့ပြင်"စားသောက်ဖို့ခက်ခဲတယ်ဆိုရင်တော့ အာဟာရချို့တဲ့တဲ့ရောဂါတွေဖြစ်နိုင်တယ်ပေါ့နော်။ အရေပြားရောဂါတွေလည်းဖြစ်နိုင်တယ်။နောက်ပြီးတော့ကိုယ်ဝန်ဆောင်တွေဆိုရင်လည်းမွေးလာရင် အာဟာရချို့တဲ့တော့ ပေါင်မပြည့်၊အာဟာရချို့တဲ့တဲ့ကလေးလေးတွေမွေးလာနိုင်၍ရွာခံများစိုးရိမ်ပူပန်နေကြပါတယ်။