မြန်မာပြည်တွင်း အွန်လိုင်းဖူးစာဖက်ရှာဖွေရေး ဝန်ဆောင်မှုများတွင် လူငယ်များထက် လူကြီးပိုင်းက ပိုမိုပါဝင်လာကြောင်း တွေ့ရသည်။ တစ်ယောက်တည်းနေရခြင်းအတွက် အထီးကျန်မှုဖြေရှင်းလိုသူများ၊ တခုလပ်သူများနှင့် မုဆိုးဖို၊ မုဆိုးမများ အများအပြား ဝန်ဆောင်မှုတွင်ပါဝင်လာကြပြီး တသက်စာ မတွေ့မချင်း ရှာဖွေပေးသည့် ဝန်ဆောင်မှုအထိ ရရှိနိုင်သည်။ လူမှုရေးအခြေအနေများ၊ စိတ်ဖိစီးမှုများကြောင့် ဘဝတွင် လက်တွဲဖော်လိုသူများ မြင့်တက်လာခြင်းကြောင့် ဒီလိုဝန်ဆောင်မှုများ လူကြီးပိုင်းတွေအကြား ပိုမိုခေတ်စားလာနေသည်။
